Skip to content

PRAMUGARI KAWANUA AIRLINES

by on June 18, 2011

Gud morning for ngoni samua,
Prosedur Keadaan darurat.

Kalu so rasa pidis tu mata, ato pongo talinga isap jo tu gula2!

Baku iko deng tu peraturan penerbangan, sekarang kita mo kase lia pa ngoni bagimana cara pake TALI MAMUDUNG yg ada pa ngoni pe pinggang, BAJU for BATOBO, deng KOP-KOP OKSIGEN.

Supaya ngoni bole slamat, coba lia kamari bagimana ikat tu rim dipinggang; cara kunci biar nyanda talapas, beking kencang, deng mo lapas tu tali mamudung.

Baju batobo ada di bawah ngoni pe kadera masing2. Jgn dulu pake sebelum OM KAPTEN kase sein batobo rame2. Eits, itu barang jgn ngoni se pinda2 dari de pe tampa, apalagi mo bawa pulang for gantong di salon ato per moi ruang tamu. Kalu kita dapa riki, kita mo tampeleng muka blakang atas bawah pa ngoni. Mangarti?

Cara pake tu baju batobo; kase maso lewat leher, kong kunci tu tali bagesper dimuka. Jang talalu kancang, nanti ngoni flao so nemboleh banapas. Beking pusing pa torang musti tiop ngoni pe mulu pe bobou…

Supaya bole timbul di aer, hela jo tu knop warna merah jambu bol, ato tiop jo de pe pipa merah. Inga! Kalu mo tiop Kase basar tu baju diluar pesawat jo, kalu nda, torang pe tangan mo krol mo tarek pa ngoni samua lantaran so ta prop di pintu!

Kalu kaluar dr pswt nda usah baku rebe neh?…musti baris rupa bebek antre. Holopis kuntul baris!

Kalu tu napas so mulai hosa, masker oksigen mo ciri dari atas pa ngoni pe kapala, hela jo tu kop-kop warna kuning kong pake! Tutu tu idong deng mulu, kase ron jo de pe goro di kapala. Samua mo dapa satu2 tu kop-kop, jangan ambe birman pe masker!

tu kartu petunjuk darurat ada di dilaci dimuka ngoni pe kadera, baca2 jo kong hafal mati noh.

Bagitu jo dang, oom, tanta, brur, ses!
Rileks jo, kong jang ba pikir tu nyanda2. Mar jgn maniso pa tu stewardes, mo dapa skop!

Kalu ada perlu bole trosol pa kita, tindis jo tu knop disablah lampu baca diatas kapala….:D

😀😀  ;)haha =D haha;) 😀😀

From → Uncategorized

Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: